Партиите до два часот по полноќ можат да поднесат приговори до Државната изборна комисија (ДИК) за вториот круг од локалните избори.
Досега во ДИК не е евидентиран ниту еден приговор, иако од Алијансата за Албанците и БЕСА синоќа најавија дека поднесуваат 86 приговори за изборниот процес во Чаир.
ДИК, по приемот на приговорите е должна во рок од 48 часа да донесе одлука.
Против одлуката на ДИК, може да се поднесе тужба до Управниот суд во рок од 24 часа од приемот на решението. Управиот суд на Република Македонија, пак, по жалбата е должен да донесе одлука во рок од 48 часа по нејзиниот прием.
Рокот од 24 часа за поднесување приговори за повреда на личното избирачко право истече. На денот на изборите поднесени се четири приговори од граѓани кои не биле запишани во Избирачкиот список, но Комисијата ги одбила зашто граѓаните извадиле лични документи по завршувањето на јавниот увид.