Во Северна Македонија, изборите за шестиот претседател ќе се одржат на 24 април, додека вториот круг, заедно со парламентарните, ќе се одржи на 8 мај.
Од друга страна, до 28 јануари се очекува да се гласа за техничката влада во која учествува и опозициската ВМРО-ДПМНЕ. Она што е забележливо во кадровските пресметки за учество во техничката Влада и претседателските избори е дека раководството на ВМРО-ДПМНЕ по бегството во азил на претходникот на Христијан Мицкоски, Никола Груевски, не успеа да собере нови „фигури“ околу себе.
Мицкоски создаде група од доверливи луѓе околу себе со кои ја менаџира партијата и можноста некој од нив своеволно да го отстрани од раководството на партијата.
Ако се гледаат кадровските предлози од ВМРО-ДПМНЕ за техничката влада, тоа се токму оние на техничката влада од 2020 година, Наќе Чулев и Рашела Мизрахи. Исто така и споменувањето на името на Гордана Силјановска-Давкова како кандидат за претседател на државата ја потврдува горенаведената теза.
Евентуалната повторна кандидатура на Силјановска-Давкова за претседател на државата покажува два важни моменти.
Прво, политиката што кандидатот ја негува во однос на Албанците и меѓународниот фактор, а вториот момент, ВМРО-ДПМНЕ не носи кадровски иновации. Овој тренд покажува дека по овој принцип ќе се креираат и листите за пратеници, а можно е поголем дел од досегашните пратеници повторно да се кандидираат за нов мандат.
Движејќи се по однапред договорени контури, како што се ставот за уставните измени, однапред определените кадровски решенија како и немањето реална понуда за политичкиот, социјалниот и економскиот развој на државата, ВМРО-ДПМНЕ ќе продолжи да си игра со старите каузи – кои се тесно поврзани со национализмот.
Со картата на национализмот како најлесен начин да се создаде електорат со анестезија, ВМРО-ДПМНЕ ќе се обиде да добие политички легитимитет, но тоа ќе биде недоволно за преземање на власта.
Ова најдобро го докажаа изборите во 2016 година, но и оние од 2020 година. Можеби ќе има уште неколку пратеници, но недостатокот од коалициски капацитет јасно покажува дека нема да му се отвори патот до владината палата на Илинденска.
Дестан Јонузи / Фронтлајн