Шпанецот Педро Аграмунт, пријателот на бившата владеачка партија ВМРО-ДПМНЕ, денес беше исклучен од членството на пратеничката група на Европската народна партија (ЕПП) при Парламентарното собрание на Советот на Европа (ПССЕ).
Како што јави дописникот на МИА од Стразбур, според извори во партијата, за исклучувањето на Аграмунт гласале 30 членови на групата, а само тројца биле воздржани.
Исклучувањето на 65-годишниот шпански сенатор Аграмунт од неговата матична политичка група во која членува од 2000 година, доаѓа по скандалот поврзан со неговата контроверзна посета на Сирија.
Овај скандал е придружен со друга афера наречена „Кавијаргејт“, за наводна корупција на сегашни или поранешни членови на ПССЕ од страна на режимот во Азербејџан. ПССЕ именуваше надворешна експертска група што ќе треба да изготват извештај за обвинувањата кои се појавија во повеќе медиуми.
Режимот во Азербејџан му подари уметнички портрет на Педро Аграмунт со неговиот лик
Членовите на ПССЕ во април му изразија недоверба на Аграмунт и организираа негово јавно сослушување, забранувајќи му да дава изјави во името на Собранието.
ПССЕ на вчерашната пленарната седница одлучи да го промени својот деловник по итна постапка со што се овозможува отповикување и одземање на мандатите на негови членови или на избрани функционери, доколку со своите постапки ги загрозиле институционалната одговорност и угледот на институцијата.
Резолуцијата стапи во сила веднаш по нејзиното донесување па ПССЕ ќе може да го разреши актуелниот претседател Аграмунт, што досега не е забележано во историјата на Советот на Европа.
Претходно, кредибилните сомнежи за коруптивно однесување на Аграмунт и во Шпанија предизвикаа политичка бура. Во шпанскиот Сенат беше побарана оставка на Аграмунт како член на Советот на Европа и на Сенатот.
Шпанските пратеници бараа да се објасни неговата наводна вмешаност аферата “Кавијаргејт” која укажува на дека режимот на Азербејџан ги купувал членовите на ПССЕ за да ги замолчи критиките за прекршување на човековите права од страна на владата на оваа земја. Пратениците исто така побараа Аграмунт да престане да биде «срам» за Шпанија на европско ниво и Аграмунт да од функцијата:
“Станува збор за многу сериозни прашања кога диктаторските влади купуваат пратеници за тие да молчат за нивните злосторства. Аграмунт не ја користи својата позиција за да работи за граѓаните, туку за неговиот сомнителен бизнис”, обвинија шпанските пратеници.
Да потсетиме дека на денот на објавувањето на првата „бомба“ на лидерот на опозицијата Зоран Заев, на 9 февруари, со изјава се јави токму Аграмунт.
Во својата изјава тој говори “ни помалку, ни повеќе, туку за обид за „недемократско преземање на власта“ и во неа се изразува загриженост за настаните во земјава, „конкретно за неодговорното однесување на политичката опозиција.“ Од Заев се бара да размисли за „тешките обвинувања“ кон Владата и се вели дека закани од шефот на опозицијата кон премиерот не сe правилно средство за критика на владата”, анализираше во 2015 година Проверката на факти.