Исклучителна чест е да бидете поддржани од претставници на сите етнички заедници, од 31 политичка партија, но и од многу граѓани кои воопшто не се членови на политички партии, напиша Стево Пендаровски на својот фејсбук профил по вчерашниот избор за заеднички кандидат на владеачката коалиција предводена од СДСМ на претстојните претседателски избори.
Пендаровски изразува посебна благодарност до СДСМ, неговите коалициски партнери во македонската Влада и лично до премиерот Заев. Вели дека поддршката што ја добил е политички потег без преседан и по пет години ќе добие шанса за нова трка за претседател по, како што напиша, бруталниот изборен инжинеринг во 2014 година.
Почитувани граѓани, ми дадовте голема политичка одговорност која во месеците и во годините што доаѓаат имам намера, заедно со сите вас, да ја оправдам во целост и во интерес на подобар и посреќен живот за сите во нашата земја, пишува Пендаровски на Фејсбук.