Премиерот Кирил Петков испрати предлог со кој практично целосно се ревидира Рамковниот став донесен од Народното собрание и Владата, но тој беше одбиен од МНР. Преговорите напредуваат, но има и прашања кои остануваат отворени за решавање. Еден од нив е формулацијата на таканаречениот македонски јазик во историска и етничка смисла.

Ова го изјави министерката за надворешни работи Теодора Генчовска на сослушувањето во Народното собрание кое првично требаше да биде затворено, јавувс БГНЕС.

Пратениците денеска ја слушнаа министерката за надворешни работи Теодора Генчовска како разговара за процесот на пристапување на РСМ.

Истовремено премиерот Кирил Петков и официјално го изолира МНР од процесот, кој на седница на Советот на министри најави дека сите одлуки ќе одат преку пратениците.

„Ќе му предложам на Министерскиот совет да донесе одлука во врска со Република Северна Македонија“, рече премиерот Кирил Петков на почетокот на денешната владина седница.

За прашањето за Северна Македонија мора да одлучуваат само бугарските пратеници, изјави денеска бугарскиот премиер Кирил Петков пред почетокот на редовна владина седница, додавајќи дека Владата ќе расправа за одлука со која се предвидува за сите предлози од француското претседателство со Европскиот совет или од земја членка на ЕУ за темата со земјава да се расправа на Комисијата за надворешна политика на Собранието на Бугарија.

– Секој предлог што се разликува од рамковниот став треба веднаш да се испрати до Народното собрание и да не се дава согласност додека се разговара по него. Доколку има негативна одлука, автоматски да се даде негативен одговор, нагласи Петков.