Славјанка Петровска на чело на Министерството за одбрана, Никола Тупанчевски го презема Министерството за правда, нов вицепремиер за евроинтеграции ќе биде Бојан Маричиќ. Позицијата вицепремиер за борба против корупција и криминал, одржлив развој и човечки ресурси ќе ја извршува Славица Грковска, додека Љупчо Николовски се враќа во Министерството за земјоделство.

Досегашната директорка на Државниот инспекторат за труд, Јована Тренчевска ќе биде новата министерка за труд и социјална политика, а со ресорот култура ќе раководи Бисера Костадиновска Стојчевска.

Ова е епилог по вечерашните седници на Извршниот и на Централниот одбор на СДСМ на кои предложените кадровски решенија на лидерот Димитар Ковачевски, за кои рече дека се докажани луѓе, биле едногласно прифатени и утре ќе бидат проследени до македонското Собрание.

Фатмир Битиќи, Благој Бочварски и Горан Милевски го задржуваат ресорите што досега ги водеа.