На хрватската радиотелевизија вечерва ќе има дебата помеѓу претседателот на ХДЗ Андреја Пленковиќ и претседателот на СДП Зоран Милановиќ со почеток во 20 часот.
Тоа воедно ќе биде и прва јавна телевизисика дебата на претседателите на двете највлијателни политики партии во Хрватска, после повеќе од 13 години, а ќе се одржи во очи на почетокот на изборната кампања пред претстојните вонредни парламентарни избори.
Лидерите на двете партии ќе дебатираат за внатрешна и надворешна политика, економија и финансии, здравство и социјални прашања, политиката за наталитет и образование.
Изборите се закажани за 11 септември и ќе бидат деветти парламентарни избори од независноста на земјата во 1991 година.
На изборите хрватските граѓани ќе треба да изберат 151 пратеник, од кои 140 во 10 изборни единици во земјата, тројца ќе бидат избрани од Хрватите во дијспората, а останати осуммина ќе ги бираат претставниците на националните малцинства во Хрватска.
Последните парламентарни избори во Хрватска се одржаа на 8 септември 2015 години, но поради распадот на владината коалиција меѓу блокот предводен од Хрватската демократска заедница (ХДЗ) и партијата Мост и неможноста да се формира ново парламентарно мнозинство, Саборот донесе одлука за самораспуштање.