Филмот „Титаник“, еден од најголемите филмски хитови во историјата на кинематографијата, се враќа на големото платно во освежена верзија, на 9 февруари, по повод 25-годишниот јубилеј.
Најпознатиот филм на режисерот и сценарист Џејмс Камерон ќе ја прослави својата годишнина во кината во IMAX® 3D и 3D 4K формат. „Титаник“ освои рекордни 11 Оскари, вклучително и за најдобар филм, режија, кинематографија и монтажа.
По првото прикажување во 1997 година, тој стана најуспешниот филм на сите времиња, а и сега е трет филм со најголема заработка во светот. „Приказната за потонувањето на луксузниот океански брод промовиран како „непотонлив“ го обиколи светот во рекордно време, а многу филмски критичари се согласуваат дека „Титаник“ е сепак најдобриот филм што некогаш е направен“, се наведува во соопштението. Актерската екипа на оваа епска романса, која го одбележа полнолетството на бројни генерации, ја предводат оскаровците Леонардо ди Каприо и Кејт Винслет, а со нив се и: Били Зејн, Кети Бејтс, Френсис Фишер, Бернард Хил, Џонатан Хајд, Дени. Нучи, Глорија Стјуарт, Дејвид Ворнер, Виктор Гарбер, Бил Пакстон.