Кинеските власти денеска дадоа дозвола за летање на технички надградениот авион „Боинг 737 Макс“ по повеќе од две години, откако моделот беше приземјен низ светот поради две фатални несреќи.
Кина е последниот голем пазар од кој „Боинг 737 Макс“ чекаше одобрение, откако САД дадоа дозвола за летање во декември 2020 година, а Европската Унија во јануари оваа година. И Бразил и Канада, исто така, го одобрија продолжувањето на летањето на овој модел на авион од нивните аеродроми.
Државите одлучија да ги забранат летовите на моделот на Боинг по смртта на 246 лица по уривањата на авиони на компанијата „Лајон Ер“ во Индонезија во октомври 2018 година и на компанијата „Етиопијан ерлајнс“ во март 2019 година.
Воздухопловните испектори за несреќата го обвинија компјутерскиот систем на авионот, што го спуштал клунот за време на летот. „Боинг“ мораше да го редизајнира системот, а кинеските пилоти ќе мора да минат низ нова обука пред да почнат со комерцијални летови.
Веднаш по ваквата одлука на кинеските воздухопловни власти, акциите на компанија „Боинг“ скокнаа за 4,25 отсто на берзите во САД.