Доналд Трамп е првиот претседател кој влегува во Белата куќа без политичко, дипломатско или воено искуство, а неговата победа го шокираше светот, претежно поради неговото скромно знаење за надворешната политика, изјавите за миграцијата како и сојузниците на САД.
Премиерката на Велика Британија, Тереса Меј му честиташе, вели ќе градат специјална врска
– Би сакал да му честитам на Доналд Трамп за изборот после тешката борба во кампањата. Британија и САД имаат специјален однос базиран на вредностите како што се слободата, демократијата и претприемништвото. Ние сме и ќе останеме силен партнер за безбедноста, одбраната и трговијата. Очекувам да работиме со новоизбраниот претседател Доналд Трамп да го поправиме врските и да ги осигураме безбедноста и просперитет на нашите нации во годините што следат, вели Меј во својата изјава.
И Најџел Фараж му ја честиташе победата на Трамп. Лидерот на британската независна партија меѓу другото вели „Ви честитам, водевте храбра кампања“. Фараж, кој е еден од главните заговорници на Брегзит, постојано го поддржуваше Трамп за време на кампањата.
Честитки и од турскиот премиер, кој веднаш се фати за прашањето со Фетула Ѓулен
Премиерот на Труција, Бинали Јилдирим по победата на Трамп потенцира дека „ќе се отвори нова страница“ во американско-турските односи доколку Вашингтон го испорача Фетула Ѓулен, кого Анкара го обвинува за оганизирање на неуспешниот пуч од 15.јули.
„Се создаде шанса, новиот претседател да ги унапреди односи, имајќи ја в предвид борбата против тероризмот во Турција“, вели Јилдирим.
За Виктор Орбан од Унгарија, победата на Трамп се прекрасни вести, и тоа значело дека демократијата се уште била жива.
„Какви прекрасни вести. Демократијата е се уште жива“, напиша тој на Фејсбук.
Уште во јули, Орбан го соопшти своето мислење дека плановите на Трамп во однос на миграцијата и надворешната политика се од клучно значење за Унгарија.