Почна рочиштето за „Титаник“ , во кој се обвинети поранешниот премиер Никола Груевски, неговиот шеф на кабинет Мартин Протуѓер, екс министрите Гордана Јанкуловска, Миле Јанакиевски, Билјана Бришковска, пратеникот Илија Димовски , поранешниот генерален секретар на Владата Кирил Божиновски. Во овој предмет обвинети се и разузнавачот Мунир Пепиќ, градоначалникот на општина Пустец во Албанија, Едмонд Темелко, Леко Ристовски, Кирил Тодорвски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.
На стартот на судењето, повеќемина адвокати побараа одложување на денешното рочиште, за да имаат увид во списите од предметот. Исто така, адвокатите бараат и CD од СЈО со дополнителни докази за да можат целосно да се запознаат со предметот и да дадт воведни зборови.
Сите обвинети се во судницата на новата зграда на Кривичниот суд.
Груевски го бранат шест адвокати: Еленко Миланов,Димитар Дангов, Дончо НаковБоро Тасевски,Стерјо Зиков и Сања Алексиќ.
Ова е најобемниот предмет на СЈО. Според обвинението, обвинетите формирале злосторничко здружување со цел да влијаат врз гласачите на парламентарните, локалните и претседателските избори кои се одржаа од 2011 до 2014 година. Тие, исто така се обвинети за злоупотреба на пари за финансирање на изборната кампања и за незаконско пријавување на гласачи во изборниот список, без знаење на избирачите. За ова, тие ја користиле својата службена положба и моќ која ја имале за да влијаат врз гласачите, а се со цел партијата да остане на власт.
Според обвинението што СЈО го објави пред десет 10 месеци , на чело на ова злосторничко здружување бил екс премиерот Никола Груевски кој го организирал дејствувањето на групата и давал конкретни насоки и упатства на другите обвинети .