Полицијата го пронашла автомобилот Југо, од кој вчера вечер засега непознат напаѓач пукаше и го уби 24-годишниот Бурим Идризи.
Автомобилот бил пронајден на улицата “Никола Малешевски” во населбата Топана во Чаир.
Мотивите на убиството сè уште не се познати.
Убиството се случило околу 18 часот на улицата Џон Кенеди спроти Средното училиште „Цветан Димов“ во скопската населба Чаир.
Неофицијално, засега непознати лица со автоматско оружје „АК-47“ пукале кон момчето што излегувало од своето „југо 45“ на автобуска станица, во близина на средното училиште. Полицијата ги утврдува мотивите за убиството и трага по извршителите.
Според Обвинителството, на убиството во Чаир му претходела вербална расправија помеѓу сега починатиот и сторителот. Убиецот откако пукал и го усмртил 24-годишното момче, избегал, а по наредба на јавен обвинител се подигаат траги од самото место, кои ќе бидат предмет на обработка.
Идризи синоќа им подлегна на повредите. Тој беше пренесен на Ургентниот центар, без знаци на живот, а врз него извршена била 45-минутна реанимација, но безуспешно.