Според грчки „Екатимерини“, полицијата планира голема операција за протестите закажани во недела во Атина, на кои националистички организации ќе го бранат терминот „Македонија“ во спорот за решавањето на името.
Во Атина се очекува голем број на демонстранти како и паралелни протести на анархистички движења кои сметаат дека ваквите протести се фашистички.
Операцијата која грчката полиција ја подготвува е поради страв од судир и насилство.
Протестот на крајно-десничарските организации е предвидено да започне на плоштадот Синтагма во 14 часот по локално време, додека контра-протестите се организираат во непосредна близина на плоштадот, кај Универзитетот во Атина.
Полицијата ќе ги придружува и автобусите кои се најавени од повеќе градови кои ќе се движат кон Атина.
Според проценките, се очекуваат и до 1 милион луѓе.
Како што јавува „Екатимерини“ дополнително загрижува тоа што во исто време ќе се игра фудбалското дерби помеѓу Олимпијакос и АЕК.