Студентите утрово се собраа во близина на Блискоисточниот технички универзитет во Анкара да прочитаат соопштение, а потоа да маршираат, но полицијата употреби бибер спреј и водени топови за да ги растера демонстрантите.
Протестите во Турција почнаа минатата недела по апсењето на градоначалникот на Истанбул, Екрем Имамоглу, главниот ривал на претседателот Реџеп Тајип Ердоган. Имамоглу е во затвор до судењето по обвиненијата за корупција и за поддржување на тероризмот.
Претходно, турскиот министер за правда Јилмаз Тунч изјави дека истрагата против Имамоглу не е политички мотивирана и е „прашање на правосудството“.
Mинистерот за внатрешни работи Али Јерликаја денеска изјави дека за време на осумдневните протести приведени се 1.879 осомничени, од кои 260 ќе бидат во затвор до судењето. Додека 468 лица се пуштени под судска контрола, а продолжува постапката за 662 луѓе.