Published: Monday, October 31, 2016 17:50
Речиси 50 отсто од жителите на Русија стравуваат дека тензиите помеѓу нивната и западните земји околу сирискиот конфликт ќе доведат во Трета светска војна, открива анкетата на независниот центар Левада објавена денес.
Според анкетата, реализирана минатата недела во 48 руски региони, 48 отсто Руси изјавиле дека “влошувањето на актуелните тензии помеѓу Русија и Западот ќе дегенерира во Трета светска војна”.
На истото прашање во јули годинава 29 отсто од анкетираните го дале овој одговор.
Околу 52 отсто Руси им даваат поддршка на рускиот ангажман и бомбардирања во Сирија иако 32 отсто сметаат дека овие акции негативно влијаеле на рускиот имиџ на светската сцена.