Фудбалската Федерација на Албанија соопшти дека мечот против Израел од квалификациите за мундијалот во Русија е префрлен од Скадар во Елбасан поради безбедносни причини.
Медиумите во Албанија пренесоа дека се приведени четири лица кои биле поврзани со ИСИС и правеле подготовка на напад на стадионот „Лоро Боричи” во Скадар и поради безбедносни мерки натпреварот ќе биде преместен во градот Елбасан.
Датумот останува ист, средбата ќе се игра во сабота, и покрај тоа што домаќинот побарал натпреварот да се одигра неколку дена подоцна со цел да имаат повеќе време за дополнително зголемување на безбедноста.
НОВА веќе пишуваше за силните безбедносни мерки кои се преземаат за заштита на сите спортисти од Израел кога патуваат во странство. Со нив секогаш патуваат припадници на МОСАД, па така беше и за време на гостувањето на репрезентацијата на Израел во Скопје кон крајот на септември годинава.
Албанија и Израел се дел од истата група со македонската селекција во квалификациите за Светското првенство во Русија