Централната свеченост по повод 20 години од потпишување на Охридскиот рамковен договор ќе се одржи во присуство на околу 200 гости во сала со капацитет за 1.500, со мерење на температура на влез, со задолжително носење на заштитни маски и со одржување на физичка дистанца од 1,5 метар, но откажан е планираниот концерт на плоштад „Македонија“ во рамки на јубилејот. Ова го потврди Артан Груби, прв вицепремиер во Владата и министер за политички систем и односи меѓу заедниците.
Се надевам дека хистеријата што е присутна по социјалните мрежи, не се однесува на Охридскиот рамковен договор и негова имплементација. Согласно програмата за одбележување на Рамковниот договор беше предвиден огромен концерт на плоштад „Македонија“ во Скопје, на 13 август, што Министерството за политички систем одлучи да откаже, поради новите состојби со ковид-19 за да покажеме дека сме доблесни, разбираме и ги откажуваме сите манифестации од кои постои има ризик од зараза, порача Груби.