Околу 90 мигранти се стравува дека се удавиле на брегот на Либија откако бродот со кој се превезувале потонал.
Според тројца преживеани, повеќето на бродот биле мигранти од Пакистан.
Со години наназад Либија е главна рута за мигрантите кои преку вода патуваат кон Европа.
Според меѓународните организации, Италија е главна цел на Пакистанците.
Мигрантите во очај најчесто не бираат на каков начин се превезуваат и дали е тоа безбедно, се со цел да стигнат во Европа бегајќи од војните во своите држави.
Либија со години е главен транзитен пат за мигрантите кои се обидуваат да стигнат до јужна Европа по морски пат.
Минатата година ЕУ склучи договор за да обезбеди помош за либиското крајбрежеје за да го спречи протокот на чамци што пренесуваат мигранти и бегалци во Италија.
Агенциите за помош и ОН ги обвинија европските влади за преземање на “нечовечки” пристап.
Портпаролот рече дека Пакистанците се повеќе се обидуваат да го направат опасен премин во Италија.
Пакистанците минатата година беа 13-ти на листата на на мигранти кои се обиделе да стигнат до Европа, оваа година тие се трети, соопшти ИОМ.
Севкупно оваа година, според ИОМ имало 6.624 пристигнувања по морски пат до Европа, споредено со 5.983 во истиот период лани. Досега, годинава се верува дека 246 мигранти се мртви или се водат како исчезнати.