Во пресрет на вториот круг од локалните избори во недела, управните служби во општините каде што ќе има гласање ќе работат и утре и задутре со цел да се излезе во пресрет на граѓаните да можат да подигнат лични карти.
Одделот за граѓански работи, односно отсеците за управни работи на оваа организациска единица при МВР – Куманово, Велес, Охрид и Тетово со сите подрачни единици во нивен состав на 30.10.2021 година ќе работат на прием и издавање на лични карти со редовно работно време од 8 до 16 часот.
Како што информираа од МВР, од подрачните единици на Отсекот за управни работи Штип ќе работат подрачните единици во Кочани, во Берово, во Делчево, во Пробиштип и во Свети Николе. Од подрачните единици на Отсекот за управни работи Битола ќе работат подрачните единици во Битола, во Ресен, во Демир Хисар и во Македонски Брод. Од подрачните единици на Отсекот за управни работи Струмица ќе работат подрачните единици во Струмица, во Гевгелија и во Радовиш.
Истовремено и Одделението за управни работи Скопје само во објектот на МРТВ на 30.10.2021 година (сабота) ќе работи на прием и издавање на лични карти со редовно работно време од 8 до 16 часот.
В недела, 31 октомври, пак, сите наведени надлежни организациски единици ќе работат само на издавање на изготвени лични карти за граѓаните со работно време од 7 до 19 часот, вклучувајќи ги и дисперзираните пунктови во ОУР Скопје (Ѓорче Петров, Беко, Бутел и Драчево).