Хрватскиот првак ППД Загреб ќе биде противник на Вардар во осминафиналето од ракометната Лига на шампиони. Првиот меч е закажан на 23 март во Загреб, реваншот е седум дена подоцна во СЦ „Јане Сандански“.
„Плинарите“ одиграа 26:26 на гостувањето кај Пик Сегед и завршија на шестата позиција во Б групата. „Црвено-црните“, пак, во последниот меч во групата А го совладаа сè уште актуелниот европски првак Монпелје со 33:27 и останаа трети во групата А.
Победникот од двомечот меѓу македонскиот и хрватскиот шампион во четвртфиналето ќе се сретне со подобриот од пресметката меѓу Пик Сегед и Висла Плоцк.
Двојки за осминафиналето во Лигата на шампиони во ракомет (м)
ППД Загреб – Вардар
Спортинг – Веспрем
Висла Плоцк – Пик Сегед
Мешков Брест – Фленсбург
Мотор Запорожје – Киелце
Рајн-Некар Левен – Нант
Директен пласман во четвртфиналето обезбедија победниците на А и Б групите, Барселона, односно, ПСЖ.