Актуелниот пратеник во Собранието од редовите на ВМРО-ДПМНЕ, Зоран Илиоски, ќе биде кандидат за градоначалник од ВМРО-ДПМНЕ и коалиционите партнери за Битола, соопшти партијата.
Илиоски како пратеник е претседател на Комисијата за избор и именување во Собранието, поранешен директор на ЈП „Водовод“ во Битола, а по професија електротехнички инженер.
По три изборни циклуси, за прв пат ВМРО-ДПМНЕ да кандидира друг битолчанец после актуелниот, Владимир Талески.
За Илиоски, Талески е еден од најуспешните градоначалници во Македонија и случајот „Транспортер“ во кој СЈО го сомничи Талески, бил наменет од страна на СДСМ само за да го дискредитира.
Главен против-кандидат на Зоран Илиоски во Битола ќе биде професорката по математика Наташа Петровска од СДСМ.