Десетина пратеници од ВМРО-ДПМНЕ си држат говори и си реплицираат меѓу себе и со тоа ја одолговлекуваат седницата на Собранието на која треба да се избере претседател на комисијата за избори и именувања и претседател на Собранието.
За збор се јавија 51 пратеника од кои само тројца од СДСМ. Прв говореше Антонио Милошоски кој рече дека претседателот на Собранието треба да е од редот на ВМРО-ДПМНЕ, затоа што тие освоиле најмногу мандати.
Досега зборуваше Милошески, Илија Димовски, Трајко Димков, Лилјана Затуровска и уште десетина пратеници од ВМРО-ДПМНЕ.
На ова процедурално реагираше Оливер Спасовски од СДСМ, но претседавачот со седницата Трајко Вељаноски рече дека деловникот забранува реплики и контрареплики меѓу членови на иста пратеничка група, но оти со оглед на тоа што пратенички групи се уште не се формирани, пратениците имаат право на реплики и контра-реплики.
Моментално пратениците се на пауза, а седницата ќе продолжи за еден час.