Парламентот на Полска во кој мнозинство има националистичката Партија за право и правда, усвои Закон за намалување на платите од 20 отсто за членовите на парламентот, по јавните критики за бонуси кои беа доделени на владините министри.

За предлогот гласаа 240 пратеници , додека главните опозициски партии се воздржаа од гласање.

Пратениците во Полска досега примаат плата од 2800 долари месечно, а предлогот за намалување за 20 проценти следуваше  откако поранешната премиерка Беата Сидло минатата година одлучи да им се исплатат бонуси на министрите во вредност од повеќе од 10 просечни месечни плати.

Од тогаш поддршката за владејачката партија е ослабена.

Лидерот на партијата Јарослав Качињски, минатиот месец ги повика министрите финансиските награди да ги донираат во добротворни цели и најави намалување на платите за членовите на парламентот.