Еден Азар направи разлика на „Стемфорд бриџ“ и го предводеше Челзи до голем триумф против Манчестер сити со 2:1 во дербито на 31 коло во Премиерлигата, а со тоа и до освојување на шампионската титула. Белгискиот репрезентативец ги постигна двата гола за лондонските „сини“ кои останаа на првото место на табелата со седум бода повеќе од Тотенхем.
Азар погоди во 10 минута, по асистенција на Аспиликуета, за 1:0, во 35 минута зголеми на 2:0, откако успеа сам да се коригира по промашениот удар од белата точка. Агеро беше стрелец на единствениот за „граѓаните“ во 26 минута.
Арсенал го порази Вест Хем со 3:0 и остана во игра за позициите што водат до Лигата на шампиони. Сите три гола „топчиите“ го прославија во второто полувреме. Победата ја најави Месут Езил во 58 минута, Тео Волкот се додаде во листата на стрелци во 68., а Жиру во 83. го постави конечниот резултат на „Емирати“.
Тотенхем беше пред пораз во Кардиф, но во финишот, сепак, успеа до пресврт и победа против Свонси со 3:1. Велшкиот премиерлигаш поведе во 11 минута преку Ратлиџ и одржуваше 1:0 до самиот финиш на средбата, но докрај не издржа. Али во 88 минута израмни на 1:1, Сон Хеунг Мин во втората минута од судиското продолжение направи пресврт што го потврди Ериксен две минути подоцна.
Фаворитска улога не правда Ливерпул кој пред своите гледачи одигра 2:2 против Борнмут. Набрзо по почетокот молк на „Енфилд“. Гостите поведоа со погодокот на Афобе во седмата минута, но на одмор се замина со нерешени 1:1 за што се погржи Коутињо во во 40 минута. „Црвените“ го свртеа резултатот во своја корист во 59 минута со голот на Ориги, а Кинг во 87 реализира за 2:2.
Премиерлига, 31 коло
Резултати
Челзи – Манчестер сити 2:1
Свонси – Тотенхем 1:3
Арсенал – Вест Хем 3:0
Ливерпул – Борнмут 2:2
Хал – Мидлсборо 4:2
Саутемптон – Кристал палас 3:1
Манчестер јунајтед – Евертон 1:1
Лестер – Сандерленд 2:0
Вотфорд – ВБА 2:0
Барнли – Стоук 1:0
Табела: Челзи 72 (-1), Тотенхем 65 (-1), Ливерпул 60, Манчестер сити 58 (-1), Арсенал 54 (-2), Манчестер јунајтед 54 (-2), Евертон 51, ВБА 44, Саутемптон 37 (-2), Вотфорд 37 (-1), Лестер 36 (-1), Стоук 36, Борнмут 35, Барнли 35, Вест Хем 33, Кристал палас 31 (-1), Хал 30, Свонси 28, Мидлсборо 23 (-1), Сандерленд 20.