Манчестер јунајтед останува без победа во Премиерлигата од 24 септември кога за последен пат освои три бода во дуеот со шампионот Лестер. Тимот од „Олд трафорд“ не успеа да ја прекине традицијата ниту денеска на домашен терен против Барнли. „Црвените ѓаволи“ одиграа 0:0 во натпревар во кои се заканија повеќе од 30 пати од кои 11 топки одеа во рамки на голот, но ниту една не влезе во него. СудијатаМарк Клатенбург му покажа црвен картон на Андре Ерера кон средината на второто полувреме, а пподоцна на трибини ги испрати и Жозе Мурињо.

Манчестер јунајтед е единствен од фаворитите за титулата во англиската Премиерлига што остана со половичен ефект во мечевите од денешната програма. Арсенал во пладневниот термин го совлада Сандеренд со 4:1 (по два гола постигнаа Санчез и Жиру), Манчестер сити беше уште поубедлив на гости кај ВБА ссо 4:0 (по два гола постигнаа Агуеро и Гундоган), а Ливерпул пред малку освои три бода на мегданот на Кристал палас со триумф од 4:2 (Кан, Ловрен, Матип и Фирмињо стрелци за тимот на Јирген Клоп).

Дербито на колото меѓу Тотенхем и Лестер заврши без победник 1:1.

Манчестер сити, Арсенал и Ливерпул се водечки три екипи во Премиерлигата со 23 бода. Тотенхем е сега четврти со 20 бода, Челзи е петти со 19, но „сините“ утре попладне ќе играат со Саутемптон на „Сент Мери“. Јунајтед е осми со 15 бода. Во наредното коло ќе патува во Кардиф на дуелот соо Свонси, а во меѓувреме, во четврток и во Истанбул каде ќе игра со Фенербахче во Лига Европа.

Премиерлига

Резултати, 10 коло

Кристал палас – Ливерпул 2:4

ВБА – Манчестер сити 0:4

Манчестер јунајтед – Барнли 0:0

Сандерленд – Арсенал 1:4

Тотенхем – Лестер 1:1

Вотфорд – Хал сити 1:0

Мидлсборо – Борнмут 2:0

Утре: Евертон – Вест Хем (14.30 ч.), Саутепмтон – Челзи (17 ч.)

Понеделник: Стоук – Свонси (21 ч.)

Табела: Манчестер сити 23, Арсенал 23, Ливерпул 23, Тотенхем 20, Челзи 19 (-1), Евертон 15 (-1), Вотфорд 15, Манчестер јунајтед 15, Саутемптон 13 (-1), Борнмут 12, Лестер 12, Кристал палас 11, Барнли 11, Мидлсборо 10, ВБА 10, Вест Хем 10 (-1), Стоук 9 (-1), Хал сити 7, Свонси 5 (-1), Сандерленд 2.