Импресивното издание на Манчестер јунајтед од првото коло продолжи и во второто како најава за можна сезона за паметење. По триумфот со 4:0 над Вест Хем на „Олд трафорд“ во минатиот викенд, „црвените ѓаволи“ со ист резултат го совлада и Свонси на „Либерти“ стадионот во Кардиф.
Тимот на Жозе Мурињо се мачеше во првото полувреме по кое, сепак, успеа да замине на одмор со гол предност. Баји во судиското екстра време погоди за казнената експедиција на португалскиот менаџер за покомотен влез во продолжение на средбата.
https://www.youtube.com/watch?v=IxfVdEnruWs
Ако имаше некаква неизвесност околу победникот во Велс, дилемите исчезнаа во завршницата. Манчестер Ј. додаде уште три гола во период од 80 до 84 минута преку Лукаку, Погба и Марсијал за заверка на вториот триумф во првенството.
Јунајтед по повеќе од еден век прославува две победи со четири и повеќе голови разлика во воведните два меча во шампионатот. Последен пат во тоа успеа во сезоната 1907/08 или пред точно 110 години.