Крсте Велкоски учествуваше со гол и асистенција во убедливата победа на Сараево над Витез со 4:0 во рамки на седмото коло во фудбалската Премирлига на БиХ. Македонскиот интернационалец беше стартер во „бордо“ тимот и одигра цел натпревар. Во листата на стрелци се запиша во 55 минута за водство на неговата екипа со 2:0, а 12 минути подоцна му додаде на Ахметовиќ за 3:0.

https://www.youtube.com/watch?v=6-7bQNNrXk0

Игрите и резултатите на Сараево не се налик на претходните сезони. Екипата од главниот град на БиХ моментно е на осмата позиција со осум бода и биланс од две победи, два нерешени исхода и три порази. Но, на 29 годишниот фудбалер од Вевчани му оди и со голови и со асистенции што покажа и во денешниот настап против Витез.

За Велкоски ова е втор гол во сезоната во БиХ по оној во натпреварот со Зрински, а вкупно 32 за клубот од „Асим Ферхатовиќ-Хасе“ вклучувајќи ги реализациите пред трансферот во Јужна Кореја во минатата година.