Лисабон: Целосен колапс на улиците бидејќи семафорите не работат, луѓето се заглавени во метрото и аеродромите, телефонските линии се исклучени, а поединците кои се наоѓаат надвор од овие “опасни зони” се враќаат на речиси заборавениот медиум – радиото, каде што се обидуваат да бидат во чекор со вестите по масовното прекинување на електричната енергија што ги погоди Шпанија, Португалија и делови од Франција.
Ова е како вовед во војна, рече Луис, кој живее северно од Лисабон, португалскиот главен град, откако дозна дека три европски земји останале без електрична енергија.
Поради прекинот на снабдувањето со електрична енергија, семафорите и банкоматите не работат, поради што плаќањето со платежни картички е невозможно во угостителството и прехранбените објекти.
Во моментот немам интернет и имам само 15 евра во мојот новчаник, и не можам да ги подигнам парите од банкомат, рече еден од жителите на Португалија.
Не рабоитат банкоматите, неподвижни се и трамваите, тролебусите, метроата.