Во Хрватска се одржува вториот круг од седмите претседателски избори. Право на глас имаат над 3,8 милиони граѓани кои одлучуваат меѓу два кандидата – поранешниот премиер Зоран Милановиќ, кандидат на опозициската СДП и актуелната претседателка Колинда Грабар-Китаровиќ, кандидат за владејачка ХДЗ.
Новиот хрватски претседател ќе биде кандидатот кој ќе освои повеќе гласови од излезените граѓани на избирачките места што беа отворени во 7 часот, а ќе бидат затворени во 19 часот. Според најновата анкета на „Ипсос“ објавена во петокот, кандидатот на СДП води со 45 проценти од анкетираните гласови, додека 42 проценти ја поддржуваат Грабар-Китаровиќ. Околу 13 проценти од испитаните се изјасниле како неопределени.
Вториот круг од претседателските избори е мониториран со рекордни 24.333 набљудувачи, 63 повеќе отколку во првиот изборен круг во кој имаше 11 кандидати. Повеќето набљудувачи беа пријавени од владејачката ХДЗ, над 14.000, а од СДП се речиси девет илјади. Првите прелиминарен изборни резултати се очекуваат околу 20 часот.