Вилјареал се придружи на Селта и Атлетик Билбао со триумф пред своите гледачи во неделните дуели од третото коло во шпанска Примера. Но, за разлика од екипата од Виго и Баскијците, популарната „жолта подморница“ ги задржа трите бода против Бетис со пресврт.
Гостите поведоа во 11 минута преку Серхио Леон на што домашните одговорија трикратно. Карлос Бака израмни во 32 минута на 1:1, резултат со кој се замина на одмор. Саму Кастилјехо погоди во 61 минута за 2:1, а точка на средбата стави Енес Унал во 77 минута за конечни 3:1 за Вилјареал и за прв триумф во сезоната по двата пораза од Леванте на Енес Барди и Реал Сосиедад.
Атлетик Билбао на својот стадион „Сан Мамеш“ рутински го одбработи испитот наречен Џирона. Екипата од Баскија славеше со 2:0 со погодоците на Муниаин во 25 минута и на Адуриз во 53 за одржување на чекор со Севилја на третото место на табелата. Селта, пак, со 1:0 го порази Алавес со голот на Максимилијано Гомез во 34 минута.
Честа на гостинските екипи ја спаси Реал Сосиедад, еден од ривалите на Вардар во групата Л во Лига Европа. Фудбалерите од Сан Себастијан го замолкнаа „Риазор“ по победата над Депортиво ла Коруња со 4:2. Хуанми во третата минута, Асиер Илјараменди во четвртата и во 86. и Диего Лјоренте во 83 минута „стрелаа“ за „сино-белите“ кои заедно со Барселона се единствени со максимален ефект во Примера по три одиграни натпревари.
Примера, 3 коло
Вилјареал – Бетис 3:1
Селта – Алавес 1:0
Атлетик Билбао – Џирона 2:0
Депортиво ла Коруња – Реал Сосиедад 2:4
Барселона – Еспањол 5:0
Севилја – Еибар 3:0
Валенсија – Атлетико Мадрид 0:0
Реал Мадрид – Леванте 1:1
Легањес – Хетафе 1:2
Понеделник
Малага – Лас Палмас (21 ч.)
Табела: Барселона 9, Реал Сосиедад 9, Севилја 7, Атлетик Билбао 7, Легањес 6, Атлетико Мадрид 5, Реал Мадрид 5, Леванте 5, Валенсија 5, Хетафе 4, Џирона 4, Селта 3, Вилјареал 3, Бетис 3, Еибар 3, Депортиво ла Коруња 1, Еспањол 1, Малага 0 (-1), Алавес 0, Лас Палмас 0 (-1).