Published: Tuesday, March 14, 2017 14:13
Утре на јавна седница, Апелацискиот суд ќе ја разгледува жалбата на одбраната на сопственикот на телевизијата „Нова“, Сеад Кочан. Од судот, за „Телевизија 24“ потврдиле дека по барање на една од странките, седницата ќе биде јавна.
На седницата обвинителите од СЈО и одбраната ќе ги соочат аргументите околу оправданоста на одлуката на бизнисменот да му биде одреден притвор.
Вчера од Кривичниот суд информираа дека предметот по жалбата на одбраната на Кочан бил комплетиран и испратен во Апелацискиот суд.
Кочан e првоосомничен во случајот „Труст“ на СЈО и од четвртокот е недостапен за органите на прогонот.