Утрово, членот на Президиумот на Левица и професор Здравко Савески утрово бил повикан на информативен разговор во Полициската станица „Пролет“, по што е приведен и ќе биде одведен пред јавен обвинител и судија во предистражна постапка, со барање за определување на мерка притвор.
Левица реагира дека за уште тројца нивни членови на највисоките раководни партиски органи им се стигнати покани за информативни разговори.
Настаните за кои тие се теретат се поврзани со масовните протести на Движењето #Протестирам и т.н. Шарена револуција, кои почнаа по одлуката за аболиција на претседателот Ѓорге Иванов.
– За нас, ова е очајнички обид на криминалната власт да се пресмета со нашата партија, која поради автентичноста и јасните антирежимски левичарски принципи секојдневно станува се порелевантен играч на политичката сцена, особено меѓу „неопределените“ граѓани кои во нас препознаваат реална трета опција, се вели во реакцијата на Левица.
Партијата ги повикува сите слободоумни граѓанки и граѓани да се приклучат кон организираниот Отпор против “автократскиот режим и преку помасовно присуство“ на протестите заедно да се борат за ослободувањето на земјава.