Барселона освои рутински три бода на гости кај Гранада во последниот неделен натпревар од 29 коло во шпанска Примера. Каталонците очекувано славеа со 4:1 и ја продолжија потерата по Реал Мадрид на врвот на табелата.
Суарез обезбеди водство за Барселона во 44 минута по трите промашувања што ги имаше до тој момент. Домашните израмнија во 50 минута преку Бога и тоа беше се што успеаја да сторат против големиот фаворит. Во продолжение беа принудени уште три пати да тргнуваат од центар на теренот. Прв на тоа ги упати Пако Алкасер во 64 минута по што и Матје Суние постигна автогол во 83 минута. Конечниот резултат беше дело на Нејмар во судиското екстра време.
Каталонците заостануваат два бода зад Реал Мадрид и имаат меч повеќе од „кралскиот“ клуб. Гранада, пак, е заглавена во зоната за испаѓање со осум бода помалку од најблиската позиција што обезбедува опстанок во Примера.
Барселона во наредното коло ја очекува дуел со екипата на Севилја која веќе четири кола во низа не знае за победа додека Гранада ќе патува на „Риазор“ на натпревар со Депортиво ла Коруња, една од екипите која е кандидат за преселба во Сегунда дивизија за сезоната 2017/18.
Примера, 29. коло
Резултати
Гранада – Барселона 1:4
Реал Мадрид – Алавес 3:0
Валенсија – Депортиво ла Коруња 3:0
Севилја – Спортинг Хихон 0:0
Вилјареал – Еибар 2:3
Осасуна – Атлетик Билбао 1:2
Реал Сосиедад – Легањес 1:1
Малага – Атлетико Мадрид 0:2
Еспањол – Бетис 2:1
Селта – Лас Палмас (понеделник, 20.45 ч.)
Табела: Реал Мадрид 68 (-1), Барселона 66, Атлетико Мадрид 58, Севилја 58, Реал Сосиедад 49, Вилјареал 48, Атлетик Билбао 47, Еибар 44, Еспањол 43, Алавес 40, Селта 38 (-2), Лас Палмас 35 (-1), Валенсија 33, Бетис 31, Депортиво ла Коруња 27, Малага 27, Легањес 27, Спортинг Хихон 22, Гранада 19, Осасуна 11.