Неколку полски медиуми јавија дека во попладневните часови се случила експлозијапо пад на проектил полско-украинската граница ,а според првичните информации загинале две лица.
Полските портали пишуваат дека војската и полицијата се на терен, но причината за експлозијата се уште не е позната. Радио Лублин соопшти дека две лица загинале.
Портпаролот на полската влада Пјотр Мулер, исто така, ги повика медиумите и јавноста „да не објавуваат непотврдени информации“.
АП објави, цитирајќи висок претставник на американското разузнавање, дека руски проектили паднале во Полска, при што загинале две лица. Мулер не ги коментираше извештаите, само го нарече инцидентот „кризна ситуација“.
Некои полски медиуми јавија дека експлозијата се случила по пад на проектил. Таа вест не е потврдена.
„Две залутани ракети паднаа во градот Пржеводов во провинцијата Лублин на границата со Украина“ – неофицијално дознава Радио ЗЕТ.
„Удираа во сушарите за жито. Две лица загинаа. На терен се полицијата, обвинителството и армијата“ – додава оваа радио станица.
Полскиот премиер свикал итен безбедносен состанок откако две руски ракети, наводно, паднале во Пжевдов, полски град на 100 километри од Лавов, Украина.
Евидентирани се две мртви лица – напиша Антон Герашенко, советник на украинскиот министер за внатрешни работи.
Попладнево имаше еден од најсилните руски ракетни напади врз украинските градови. Беа нападнати Киев, Харков, Лавов и многу други градови.
Полска е членка на НАТО. Членот 5 од НАТО налага дека во случај на напад врз една членка, сите други членки мора да ја бранат.