Континентално најуспешни, планетарно просечни. Египет ја има најтрофејната фудбалска репрезентација кога е во прашање африканскиот Куп на нации што „фараоните“ го освојуваа седум пати низ историјата. Но, сосема е поинаква ситуацијата со Светските првенства. Претстојното во Русија ќе биде третo за нив што го чекаа од 1990 година и турнирот во Италија, откако за СП 2010 и за СП 2014 година беа запрени во бараж мечевите.
Од клупата предводени од Ектор Купер, на теренот од Мохамед Салах, Египќаните се надеваат дека би можеле во нокаут фаза крај Русија, Саудиска Арабија и Уругвај. Аргентинецот ја презеде репрезентацијата во 2015 година и во само еден од 30 натпревари под негово водство се примија повеќе од еден гол. Нацијата силно верува во него и покрај имиџот на губитник што го има од причина што загуби многу финални мечеви. Најголемо внимание на себе сврте како тренер на Валенсија и на Интер, а во периодот 2008-2009 работеше како селектор и на Грузија. Единствен голем турнир на кој учествувал беше ланскиот Куп на нации на Африка, но Египет не успеа до осма титула по поразот во финалето од Камерун со 1:2.
Да не говориме за вербата во Мохамед Салах, брзоногиот крилен играч на Ливерпул, кој клупската сезона ја заврши како најдобар стрелец во Премиерлигата со 12 гола. Во квалификациите за СП 2018 постигна пет гола. Настапот на египетската ѕвезда, сепак, е во неизвесност поради повредата што ја здоби во дуел со Серхио Рамос во финалето во Лигата на шампиони против Реал Мадрид.
Египет во своите редови ќе има потенцијален рекодер на Светските првенства. Голманот Ешам Ел Хадари би можел да стане највозрасниот учесник на мундијалите што тешко дека некој би можел да го надмине во иднина. Меѓу стативите во националниот тим е од 1996 година, а почетокот на турнирот во Русија ќе го дочека со 45 години и пет месеци.
Конечен список на Египет за СП 2018
Голмани
Ешам Ел Хадари (Ал Таавон)
Мохамед Ел Шенави (Ал Ахли)
Шериф Екрами (Ал Ахли)
Одбрана
Ахмед Фати (Ал Ахли)
Саад Самир (Ал Ахли)
Ајман Ашраф (Ал Ахли)
Махмуд Хамди (Замалек)
Мохамед Абдел Шафи (Ал Фатех)
Ахмед Хегази (Вест Бромвич Албион)
Али Габр (Замалек)
Ахмед Елмохамади (Астон Вила)
Омар Габер (Лос Анџелес ФЦ)
Среден ред
Тарек Хамед (Замалек)
Шикабала (Замалек)
Абдала Саид (Ал Ахли)
Сам Морси (Виган)
Мохамед Елнени (Арсенал)
Махмуд Кахраба (Ал Итихад)
Рамадан Собхи (Стоук)
Махмуд Хасан (Касимпаша)
Амр Варда (Атромитос Атина)
Напад
Марван Мохсен (Ал Ахли)
Мохамед Салах (Ливерпул)
Селектор: Ектор Купер
МЕЧЕВИ НА СП 2018
Египет – Уругвај (15 јуни, 14 ч.)
Русија – Египет (19 јуни, 20 ч.)
Саудиска Арабија – Египет (25 јуни, 16 ч.)
Резултати во подготвителниот период
Белгија – Египет (8 јуни)
Египет – Колумбија 0:0
Кувајт – Египет 1:1
Египет – Грција 0:1
Португалија – Египет 2:1
Лична карта на Египет
ФИФА ранг листа: 46 место
Прекар: Фараони
Настапи на СП: 2
Најдобар пласман: групна фаза во 1934 година и во 1990 година
Настапи на африкански Куп на нации: 23
Најдобар пласман: шампиони во 1957 година, во 1959 година, во 1986 година, во 1998 година, во 2006 година, во 2008 година, во 2010 година
Најдобар стрелец: Хосам Хасан – 70 гола
Најмногу настапи: Ахмед Хасан – 184 меча
Прв меѓународен меч: Италија – Египет 2:1 во 1920 година
Најубедлива победа: Египет – Лаос 15:0
Најубедлив пораз: Италија – Египет 11:3