Некои од најголемите производители на нафта од Заливот, вклучително Саудиска Арабија и Обединетите Арапски Емирати, се обидуваат да потпишат писмен договор со Соединетите држави според кој САД би можеле да обезбедат одбранбена поддршка по интензивирањето на нападите од Јемен, објави Блумберг, цитирајќи извори кои имале увид во предлогот.
Главните извозници на нафта во Арапскиот Залив би барале формален договор со Соединетите Држави, велат изворите за Блумберг, иако сметале дека можат да важат проширените и ревидирани билатерални договори за поддршка на одбраната, навел еден од изворите.
Обединетите Арапски Емирати, наводно барале и од Израел да помогне и да се поттикне случајот, навеле извори на Блумберг.
Од почетокот на годината се случија неколку напади од висок профил врз Саудиска Арабија и ОАЕ. За сите напади одговорноста ја презедоа или им се припишуваат на бунтовниците Хути во Јемен, кои важат за поданици на Иран.
Во јануари, во напад со беспилотни летала врз ОАЕ, за кој подоцна одговорноста ја презедоа бунтовниците Хути, беа убиени неколку луѓе и разнесени камиони со цистерни со гориво во близина на складишта во сопственост на Националната нафтена компанија Абу Даби (ADNOC).
Тогаш, Соединетите Држави силно го осудија нападот, рече американскиот советник за национална безбедност Џејк Саливан, додавајќи дека „Нашата посветеност на безбедноста на ОАЕ е непоколеблива и стоиме покрај нашите партнери од Емиратите против сите закани за нивната територија“.
Неодамна, минатата недела на социјалните мрежи се појавија видеа, кои сугерираат дека бунтовниците Хути лансирале низа проектили врз Саудиска Арабија во петокот наутро кои погодиле нафтена постројка на Саудиска Арамко во Џеда.
Овој напад беше втор таков напад што милицијата Хути го започна во последните пет дена врз објектите на Арамко во Саудиска Арабија. Хутите користеа проектили и беспилотни летала за да гаѓаат најмалку шест локации на Арамко претходната недела, што го натера Ријад да изјави дека не е одговорен за високите цени на нафтата сугерирајќи дека ОПЕК нема намера да го зголеми производството над она што веќе е договорено од картелот.