Инспекторите пронајдоа траги од експлозив на местото на оштетените гасоводи „Северен тек“, што потврдува дека била извршена саботажа, изјави денеска шведскиот обвинител.

Шведските и данските власти истражуваат четири дупки во цевководите Северен тек 1 и 2 кои ги поврзуваат Русија и Германија преку Балтичкото Море и станаа точка на удар во украинската криза.

Данска минатиот месец соопшти дека прелиминарната истрага покажала дека протекувањето било предизвикано од силни експлозии.

„Анализата што сега е направена покажува траги од експлозив на неколку од предметите што беа пронајдени“, се вели во соопштението на шведското обвинителство.

„Истрагата е многу сложена и сеопфатна. Тековната истрага ќе утврди дали може да се идентификуваат некои осомничени“, се додава.

Обвинителството одби да даде дополнителни коментари.

Извор: Си-Ен-Ен