Под паролата „Македонија значи Грција“, неколку грчки здруженија и организации на грчката дијаспора, денеска започнаа протестен митинг во Солун.
Изминативе неколку дена, низ цела Грција се делат летоци и се повикуваат граѓаните да дојдат на денешниот протест.
Организаторите не прифаќаат било какво име за нашата држава кое ќе го содржи терминот Македонија и бараат организирање на референдум за ова прашање.
ВО ЖИВО:
Во центарот на Солун од вчера веќе се залепени плакати како најава за собирот, на кои пишува „Македонија значи Грција“.
Организаторите очекуваат околу 30.000 граѓани, кои со организиран превоз, со 500 автобуси од доцна синоќа, од цела Грција, пристигнуваат во Солун.
Антипротест во Камара
Во Камара пак паралелно ќе се одвива антипротест на левичарски движења кои се против национализмот.
Според нив национализмот предизвикува насилство и крв, што е пак според нив заеднички јазик на сите фашисти.