Околу 20.000 луѓе учествуваа денес во Хрватска на маршот против абортусот организиран од групи на конзервативци во оваа католичка земја. Во Загреб на “Маршот за живот” имаше 15.000 луѓе според полицијата и 5.000 во Сплит.
Според организаторите целта е да се привлече вниманието на јавноста кон “почитта на секој човечки живот, од неговото зачнување до природната смрт”.
“Изберете живот” или “Животот е подарок” пишуваше на транспарентите а учесниците пееја религиозни песни и популарно хрватски песни а носеа и бели и плави балони.
И во Загреб и во Сплит се собраа и контра-манифестанти кои велат дека “Маршот за живот” е организиран под политичко влијание.
Прашањето на абортусот во Хрватска е тема која ја дели земјата на два дела. Поддржувачите на абортусот тврдат дека се предмет на притисок од политички групи поддржани од Католичката црква а многу лекари одбиваат да вршат абортус во јавните болници.
Хрватското законодавство од оваа област датира од 1978 година од југословенско време и дозволува абортус до 10 недела на бременоста.