Published: Sunday, September 11, 2016 09:27
Околу 15.000 луѓе излегоа вчера на антивладин протест во Грција поради планот на левичарската влада за воведување на нови дополнителни мерки за штедење.
Демонстрантите поминаа низ центарот на Солун, носејќи црни знамиња и слогани против актуелната влада на премиерот Алексис Ципрас, пренесува Танјуг.
Протестот се одржа паралелно со одржувањето на годишниот саем на трговија во Солун, каде што зборуваше и Ципрас за тоа како Грција мора да ги помине мерките за штедење и дека тој има петтгодишен план за излез од кризата.
Грција изминатите осум години се соочува со рецесија и моментално минува низ трет круг на мерки за штедење поврзани со пакетот меѓународна помош.