Гостинските екипи во фудбалската Прва лига во оваа сезона тешко стигнуваат до бодови во Велес, а стадионот „Зоран Паунов“ се претвори во тешко освоива тврдина за ривалите на Борец. Во градот на Рацин не победија Вардар (0:0) и Работнички (1:1) и беа совладани Шкендија (1:0), Шкупи (2:1) и Струга Трим Лум (3:2). Серија без пораз пред своја публиката, велешани ја продолжија и против Академија Пандев. Голот на Никола Прелчец од 80. минута беше доволен за радост и против струмичани со 1:0 што директно влијаеше врз изгледот на врвот на табелата.
Вардар, по победата над Работнички со 2:0, е сам на првото место со 27 бода, три повеќе од „академците“ на Пандев. Во корист на вардарци и ремито (0:0) на Македонија во Ѓорче Петров против Шкендија, па разликата меѓу нив и бранителот на титулата сега изнесува 12 бода.
Без победник (2:2) заврши и мечот меѓу Ренова и Шкупи додека Силекс со 1:0 ја порази Струга Трим Лум.
Прва лига, 12 коло
Резултати
Борец – Академија Пандев 1:0
Македонија Ѓорче Петров – Шкендија 0:0
Силекс – Струга Трим Лум 1:0
Ренова – Шкупи 2:2
Работнички – Вардар 0:2
Табела: Вардар 27, Академија Пандев 24, Шкупи 17, Македонија Ѓорче Петров 17, Шкендија 15, Силекс 15, Струга Трим Лум 14, Ренова 14, Борец 14, Работнички 10.
Идно коло: Академија Пандев – Работнички, Вардар – Ренова, Шкендија – Борец, Македонија Ѓорче Петров – Силекс, Шкупи – Струга Трим Лум.