Прва пресуда беше донесена во САД за немирите во Вашингтон на 6 јануари, јавија американските медиуми. Ана Морган Лојд (49), учесник во јануарските протести, доби условна казна, парична казна и обврска за извршување на општокорисна работа. Таа е првата осудена за упадот во Капитол од приврзаници на поранешниот американски претседател Доналд Трамп.

Таа се изјасни за виновна за учество во нелегалните демонстрации. Осудена е на три години условна казна, 120 часа општокорисна работа и парична казна од 500 долари. Обвинителството изјави дека жената не покажувала насилство и не учествувала во подготовките за немирите, поради што е донесена одлука за условна казна.

Околу 500 лица се обвинети за немирите во Вашингтон. Судијата во случајот истакна дека другите обвинети не треба да се надеваат дека ќе избегнат затворски казни.