Првиот човек на иранската агенција за атомска енергија: Збогативме 24 тони ураниум

Иран збогатил 24 тона ураниум по склучување на меѓународниот нуклеарен договор со големите сили во 2015 година. Ова го нагласи шефот на иранската агенција за атомска енергија, Али Акбар Салехи.

Според договорот за ограничување на иранската нуклеарна програма од 2015 година, официјален Техеран се обврза да нема поголеми залихи од 300 килограми ураниум збогатен до ниво 3,67 отсто, но притоа смее да збогатува ураниум за извоз што најчесто одеше за Русија.

Иранската државна телевизија денеска ја пренесе изјавата на Салехи дека „земјата не збогатила 300 килограми ураниум туку 24 тони“.

Иран во изминатите недели ја проби границата на залихи на слабо збогатен ураниум што беше наведена во договорот од 2015 година, но нема наведено за колку.