По целосното поништување на аболицијата од страна на Претседателот Ѓорѓе Иванов, во затвор се враќа осудениот Звонко Костовски од случајот „Пуч“.
Основниот суд Скопје 1 соопшти дека денеска до осудениот е доставен Упатен акт, според кој тој треба да се врати на доиздржување на тригодишната казна затвор.
Звонко Костовски беше ослободен од затвор после одлуката на Претседателот Иванов да помилува политичари и нивни приврзаници. Тој е обвинет во предметот „Пуч“ во кој се вклучени и лидерот на СДСМ Зоран Заев, поранешниот разузнавач Зоран Верушевски, неговата сопруга Соња, службеникот од општина Струмица Бранко Палифров и Ѓорги Лазаревски, вработен во МВР.
Костовски бешее единствениот кој се спогоди со Судот и доби затворска казна, додека останатите иако во неколку наврати седнаа на обвинителна клупа, сепак судењето за нив никако да почне.