Published: Saturday, June 14, 2025 20:59
Рускиот претседател Владимир Путин и претседателот на САД Доналд Трамп денеска телефонски разговарале за судирот меѓу Иран и Израел. Ова го соопштил високиот советник за надворешна политика на Кремљ, Јуриј Ушаков.
„Путин ја осудил воената операција на Израел против Иран и изразил сериозна загриженост од можната ескалација на конфликтот“, навел Ушаков.
Советникот на рускиот претседател не навел дали и како реагирал Трамп.
Ова е петти телефонски разговор меѓу Путин и Трамп откако американскиот претседател се врати во Белата куќа. Последниот разговор беше на 4. јуни, а денешниот траел околу 50 минути.