Published: Saturday, April 18, 2020 09:24
Светската здравствена организација (СЗО) не е сигурна дали присуството на антитела во крвта обезбедува целосна заштита од повторни инфекции со ковид-19, изјави Мајк Рајан, еден од највисоко рангираните експерти во организацијата.
Рајан додаде дека и во случај антителата да се ефикасни, мали се индикациите дека голем број на луѓе ги развиле и дека почнуваат да обезбедуваат таканаречен имунитет на стадо кај поголеми групи од популацијата.
„Голем дел од прелиминарните информации што доаѓаат укажуваат на тоа дека прилично мал процент од населението се здобиле со антитела, нагласи тој, додавајќи дека генерално нема докази дека повеќето луѓе во заедницата развиваат антитела.