Вардар ќе тргне во одбрана на тронот во ракометната Лига на шампиони од Плоцк, Полска, меѓу 13 и 17 септември. Европскиот шампион ќе ѝ гостува на Висла во првиот настап во групата А за сезоната 2017/18. Во второто коло го дочекува Нант на Кире Лазаров по што ќе следува уште еден меч во СЦ „Јане Сандански“ против ППД Загреб. Во Скопје есеноска ќе допатува и Барселона (11-15 октомври), календарската година за вардарви ќе финишира со дуел против Кристјаанштад на домашен терен кон крајот на ноември и почетокот на декември.
Потоа ќе следува пауза од два месеца пред завршните четири кола од групната фаза во 2018 година. Во нив Вардар ќе патува во Барселона и во Нант, а ќе ги дочека ПИК Сегед и Висла Плоцк.
Металург, кој во новата сезона ќе се натпреварува во групата Д, ќе гостува на Монпелје во првото коло. По враќање од Франција ќе игра двапати во Скопје, најпрво со Бешикташ, а потоа и со тим од квалификациите. Тимот од Автокоманда потоа ќе оди на мегдан кај Мотор во Запорожје во четвртото коло и продолжува кај Чеховски Медведи во петтото. Групната фаза во Ц-Д сегментот ќе биде комплетиран во 2017 година, според распоредот металурзи ќе завршат со реванш против квалификантот во елитното натпреварување.
Распоред на натпревари на нашите претставници во ракометната Лига на шампиони за сезоната 2017/18 со провизорни термини
ГРУПА А
Висла Плоцк – Вардар (13-17 септември)
Вардар – Нант (20-24 септември)
Вардар – ППД Загреб (27 септември-1 октомври)
ПИК Сегед – Вардар (4-8 октомври)
Вардар – Барселона (11-15 октомври)
Кристијанштад – Вардар (1-5 ноември)
ППД Загреб – Вардар (8-12 ноември)
Вардар – Рајн Некар Левен (15-19 ноември)
Рајн Некар Левен – Вардар (22-26 ноември)
Вардар – Кристијанштад (29 ноември – 3 декември)
Барселона – Вардар (7-11 февруари 2018 година)
Вардар – ПИК Сегед (14-18 февруари 2018 година)
Нант – Вардар (21-25 февруари 2018 година)
Вардар – Висла Плоцк (28 февруари-4 март 2018 година)
ГРУПА Д
Монпеле – Металург (13-17 септември)
Металург – Бешикташ (20-24 септември)
Металург – Квалификант (27 септември-1 октомври)
Мотор Запорожје – Металург (4-8 октомври)
Чеховски Медведи – Металург (11-15 октомври)
Металург – Чеховски Медведи (1-5 ноември)
Металург – Монпелје (8-12 ноември)
Бешикташ – Металург (15-19 ноември)
Металург – Мотор Запорожје (22-26 ноември)
Квалификант – Металург (29 ноември – 3 декември)