Социјалдемократскиот сојуз на Македонија денеска на пладне ќе одржи централен, а потоа и извршен одбор на кои официјално ќе биде избран партискиот лидер, Зоран Заев за мандатар.
Раководството на ДУИ синоќа, по десет часа разговори, синоќа одлучи да ги даде потписите на СДСМ за состав на влада. Портпаролот Бујар Османи изјави дека тоа не значи и коалицирање за составување на влада.
„Поради некои околности кои се поврзани со рокови одлучивме да дадеме подршка со десет пратеници на СДСМ, но тоа не значи дека имаме договор за коалиција, само се дава подршка за мандат, за да се деблокираат некои процеси, за да се започнат роковите за локалните избори треба што поскоро да се донесат одлуки, а за тоа треба да се добие мандат и Собранието да почне со работа. Ако се одлучиме за учество во влада треба да се усогласат програмите. Има аргументи за и против двете опции и не можам да кажам дали доминира едната или другата опција, но вечерва не очекувам да се донесе таква одлука. Давањето на потписи не значи договор на влада, туку значи започнување на процес на преговори за влада, доколку одлучиме за опцијата партиципирање во влада. Не е во интерес на државата локалните избори да се одоложат“ – изјави Османи.