Албанскиот премиер Еди Рама, ден по насилните протести поради воведување патарина на „Патот на нацијата“ изјави дека „полицијата ја зачувала присебноста наспроти групата вандали кои ќе ја добијат заслужената казна“.
„ Има потреба за борба против дезинформацијата која е диригирана од потпалувачи од Тирана. Договорот е потпишан веќе две години, а дури сега се протестира и се пали заеднички имот и една инвестиција, а штетата треба да ја плати нашата држава. Кога вандали напаѓаат една инвестиција и ја палат, оној кој инвестирал бара тоа да го обесштети државата“ рече Рама.
Според Рама неплаќањето на патарина ќе доведе до уништување на автопатот, затоа за „петте евра нема преговори“.
Тој објасни дека албанските граѓани ќе плаќаат во леки, а во евра косовските државјани.
Во вчерашниот протест на автопатот Тирана-Кукс- граничен премин Морин, во судирите на локалното население со полицијата беа повредени 30 лица, од кои 13 полицајци, а запалени беа контролните кабини на пунктот за наплата кај тунелот Калмаш.
https://www.facebook.com/thurje/videos/740251539517350/
Автопатот Тирана-Кукс-Морина, или како што го нарекуваат „Патот на нацијата“ е во должина од 110 километри и на големо го користат и косовските туристи.