За заминувањето на спортскиот директор, како што се шпекулира, бил пресуден трансферот на Миралем Пјаниќ во Јувентус

 

Валтер Сабатини ја напушти функцијата спортски директор на Рома што ја извршуваше во изминатите пет години. Како што и самиот кажа меѓу редови на прес-конференција во Рим, во донесување на таквата негова одлука е пресуден трансферот на Миралем Пјаниќ во Јувентус.

„Некогаш бев дефиниран како дрска личност. Летото го загубив фудбалерот што игра добро и тоа е една од причините за моето заминување. Се чувствувам лошо поради тој трансфер. Не беше лесно да се продадат и некои други играчи во минатото, како на пример Ерик Ламела. Тоа ме уби“, рече Сабатини пред новинарите во Рим без притоа конкретно да наведе на кој играч мисли.

Сабати изрази жалење што Рома не успеала да освои Скудето во негово време. Сепак верува дека тоа би можело да се случи на крајот на оваа сезона. „Физички можеби нема да бидам овде, но мојата душа секогаш ќе биде тука“, заврши досегашниот спортски директор на „волчицата“.